«Байланыс туралы» ҚР Заңының «Қауіпсіздік сертификатын беру және қолдану ережелеріне» сәйкес байланыс операторлары байланыс қызметін көрсету шарттарын жасасқан абоненттерінің арасында қауіпсіздік сертификатының таралуын қамтамасыз етеді.

Заң байланыс операторларына Қазақстан Республикасының аумағында ақпараттың криптографиялық қорғаныс құралдарымен шифрленген трафикті қоспағанда, қауіпсіздік сертификатын қолдана отырып шифрлеуді қолдайтын хаттамалардың пайдаланылуымен трафикті өткізуді ұсынады.

Қауіпсіздік сертификаты – бұл шифрлеуді қолдайтын хаттамалардан құралған трафикті өткізу үшін қолданатын электронды цифрлік символдар жиынтығы.

Сертификатты жүктеп алу.

Осылайша, интернетке қолжетімділік мәселелерін тудырмас үшін, Tele2/ALTEL абоненттері орнату бойынша қадамдық нұсқауларды орындай отырып, осы сертификатты орната.

Сертификатты орнату жөніндегі нұсқаулар: Android

Сертификатты орнату жөніндегі нұсқаулар: iOS

Сертификатты орнату жөніндегі нұсқаулар: Mozilla Firefox

Сертификатты орнату жөніндегі нұсқаулар: Google Chrome

Сертификатты орнату жөніндегі нұсқаулар: Internet Explorer

«Қауіпсіздік сертификаты» деген не?

Қауіпсіздік сертификаты – бұл шифрлейтін хаттамалардан тұратын трафикті өткізу үшін қолданылатын электрондық цифрлік символдар жиынтығы. Сертификат қазақстандық Интернет желісінің пайдаланушыларын ҚР заңнамасы тыйым салған заңсыз контенттен «нүктелеп» қорғауға мүмкіндік береді.

Қауіпсіздік сертификатын сізге кім ұсынды? Ол қай жерде сертификаттаудан өтті?

Бұл қауіпсіздік сертификаты Қазақстанда әзірленген және ақпараттық жүйелер мен деректерді қорғау саласындағы өкілетті мемлекеттік органмен ұсынылған.

Қауіпсіздік сертификатын неліктен орнатуым керек?

Қауіпсіздік сертификаты ҚР заңнамасының талабы бойынша орнатылуы тиіс. «Байланыс туралы» ҚР Заңының 26-бабы және 11-т. «Қауіпсіздік сертификатын беру және қолдану ережелеріне» сәйкес байланыс операторлары байланыс қызметін көрсету шарттары жасалған абоненттерінің арасында қауіпсіздік сертификатының таралуын қамтамасыз етеді.

Қауіпсіздік сертификатын қандай құрылғыларға орнату керек?

Қауіпсіздік сертификаты смартфон, планшет, модем, роутер, смарт-сағат және ұялы оператордың сим-картасы бар барлық құрылғыларға орнатылуы тиіс.

Қауіпсіздік сертификатын орнатпасам не болады?

Абоненттік құрылғыларда қауіпсіздік сертификаты болмаған жағдайда жекелеген Интернет-ресурстарға қолжетімділікке қатысты техникалық шектеулер қойылуы мүмкін.

Қауіпсіздік сертификатын орнату менің дербес деректерімнің қорғалуына қалай әсер етеді?

Қауіпсіздік сертификаты Қазақстанның ұялы байланыс абоненттерінің Интернетке барынша қауіпсіз режимде шығуын қамтамасыз етуге бағытталған. Қауіпсіздік сертификаты үшін сіздің дербес деректеріңіз қолжетімсіз.

Қауіпсіздік сертификаты бар қосымшаның «салмағы қанша»?

Қауіпсіздік сертификатының көлемі - 2 Кб.